ഫ്രീമാസനറി സംഘടന സഭക്ക് വെല്ലുവിളിയോ ?

ഫ്രീമാസനറി  സംഘടന  സഭക്ക് വെല്ലുവിളിയോ ?




കത്തോലിക്കസഭ എക്കാലവും ഫ്രീമാസനറി  സംഘടനയുടെ കടുത്ത വിമര്‍ശകരായിരുന്നു.   A.D.1738 മുതല്‍     സംഘടനയുടെ അംഗത്വം എടുക്കുന്നതില്‍നിന്നും  കത്തോലിക്കരെ സഭ  വിലക്കിയിരിക്കുകയാണ്. സഭാംഗങ്ങള്‍ ഈ സംഘടനയില്‍   അംഗത്വം എടുക്കുകയോ പ്രവര്‍ത്തിക്കുകയോ ചെയ്‌താല്‍  മഹറോണ്‍ ശിക്ഷക്കുവരെ അര്‍ഹരായിരുന്നു. ഫ്രീമാസനറി തത്ത്വങ്ങളും സഭയുടെ തത്ത്വങ്ങളും പരസ്പര വിരുദ്ധങ്ങളെന്നും വിശ്വസിക്കുന്നു. 1983-ല്‍ ജോണ്‍ പോള്‍രണ്ടാമന്‍ ഇറക്കിയ വിശ്വാസസത്യങ്ങളിലും ഈ സംഘടനയില്‍ പ്രവര്‍ത്തിക്കുന്നത് ചാവുദോഷത്തിനു തുല്യമെന്നു കല്‍പ്പിച്ചിട്ടുണ്ട്‌. അങ്ങനെയുള്ളവര്‍ക്ക് കുര്‍ബാന കൊടുക്കുന്നതും വിലക്കിയിരിക്കുന്നു. 1738-ല പോപ്പ് ക്ലെമെന്റ് പന്ത്രണ്ടാമന്‍ ആദ്യമായി ഈ സംഘടനയെ നിരോധിച്ചുകൊണ്ടുള്ള ചാക്രികലേഖനം ഇറക്കി. പിന്നീട്ബനഡിക്റ്റ് പതിനാലാമന്‍(1751) പയസ് ഏഴാമന്‍(1821) ലിയോ പന്ത്രണ്ടാമന്‍ (1826)പയസ് എട്ടാമന്‍ (1829) ഗ്രിഗറി പതിനാറാമന്‍ (1832)പയസ് ഒന്‍പതാമൻ  (1846) ലിയോ എട്ടാമന്‍ (1884)  എന്നീ  മാര്‍പാപ്പാമാര്‍ വിവിധ കാലങ്ങളിലായി  ഈ സംഘടനയെ നിരോധിച്ചുകൊണ്ട് ചാക്രികലേഖനങ്ങള്‍ ഇറക്കിയിട്ടുണ്ട്. 1917-ലെ കാനോന്‍ നിയമം സംഘടനയെ പൂര്‍ണ്ണമായും നിരോധിച്ചിരിക്കുന്നു.  എന്നാല്‍ പുതുക്കിയ കാനോന്‍ നിയമമനുസരിച്ച്  സംഘടനയില്‍ അംഗത്വമുള്ളതുകൊണ്ടോ  പ്രവര്‍ത്തിച്ചതുകൊണ്ടോ സഭയ്ക്ക്  നടപടികള്‍ എടുക്കുവാന്‍  കഴിയില്ലാ എന്നുമുണ്ട്.  എന്നിരുന്നാലും   സഭയ്ക്കെതിരായി പ്രവര്‍ത്തിച്ചുവെന്നു ബോധ്യമായാല്‍ സഭയില്‍നിന്ന് പുറത്താക്കാം.


ഫ്രീമാസന്‍സ്  (FREEMASONS)  അഥവാ ഫ്രീ മാസനറി ( FREEMASONRY) സംഘനയില്‍ പ്രവര്‍ത്തിക്കുന്നവര്‍ ഇന്ന് വത്തിക്കാനും പേപ്പസിക്കും ഒരു വെല്ലുവിളിയായികൊണ്ടിരിക്കുന്നു. കാരണം അവരുടെ അംഗസംഖ്യ ദിനംപ്രതി വര്‍ദ്ധിച്ചുകൊണ്ടിരിക്കുന്ന വാര്‍ത്തകളാണ് ഇന്ന് നാം കേള്‍ക്കുന്നത്.  പുരുഷന്മാര്‍മാത്രം അംഗങ്ങളായുള്ള ലോകത്തിലെ ഏറ്റവും വലിയ സഹൊദരസംഘടനയായി   ഫ്രീമാസന്‍സ്നെ   (FREEMASONS)കരുതുന്നു. ആരാണ്  ഫ്രീമാസന്‍സ്എന്നോ ഈ സംഘടനയുടെ മൗലികതത്ത്വങ്ങള്‍ എന്തെന്നോ അധികം പേര്‍ക്കും നിശ്ചയമില്ല. സ്ത്രീകള്‍ക്ക് അംഗത്വം കൊടുക്കാതെ പുരുഷന്മാര്‍ക്കു മാത്രം അംഗത്വമുള്ള ഈ സംഘടനക്കു മഹത്തായ ലക്ഷ്യങ്ങളുണ്ട്.താഴെ പറയുന്ന മൂന്നു കാര്യങ്ങളില്‍ സംഘടനയുദെ മൗലിക താല്പര്യങ്ങളെ സംഗ്രഹിക്കാം. 

1.പരിവര്‍ത്തനങ്ങളില്‍ക്കൂടി ചലിക്കുന്ന ലോകത്തിന് പലതും ഇവര്‍ ചെയ്യുവാന്‍ ആഗ്രഹിക്കുന്നു.
2.സ്വയം മനസ്സിനെ അറിഞ്ഞു കര്‍മ്മപരിപാടികള്‍ ആസൂത്രണം ചെയ്യുന്നു.
3. സഹോദരന്മാരെപ്പോലെ പരസ്പരം തങ്ങൾ  ബഹുമാനിക്കുന്ന, സ്നേഹിക്കുന്ന പുരുഷന്മാരുമായി    കൂടികാഴ്ചയില്‍, ആഗോള തത്ത്വങ്ങളടങ്ങിയ ഗൗരവമായ ചര്‍ച്ചകളില്‍, ആനന്ദം കണ്ടെത്തുന്നു.

 ഫ്രീമാസനറി  സംഘടന   എന്നാണു ജന്മം കൊണ്ടെതെന്നോ അതിന്റെ  കാലപ്പഴക്കമോ ആര്‍ക്കും നിശ്ചയമില്ല. കാലത്തിന്റെ പരക്കം പാച്ചിലില്‍, എഴുതപ്പെട്ട പേജുകളില്‍  സംഘടനയുടെ ഉത്ഭവചരിത്രം ഒരിടത്തും രേഖപ്പെടുത്തിയിട്ടില്ല. ഒരു പക്ഷെ മധ്യകാലയുഗത്തില്‍ കത്തീദ്രലുകളും കൊട്ടാരങ്ങളും പണിതിരുന്ന ജനവിഭാഗങ്ങളില്‍ നിന്നായിരിക്കാം  സംഘടന ഉണ്ടായത്. 1717-ല്‍  ‍പട്ടാളരീതിയില്‍ പരിശീലനം നേടിയ ക്രിസ്ത്യന്‌ ഫ്രീമാസനറിസംഘടനാ സന്യാസിമാരില്‍നിന്നാണ്  ഉണ്ടായെതെന്നും പറയപ്പെടുന്നു. ജെറുസ്ലേമിലേക്കു തീര്‍ഥാടനം  പോകുന്നവരെ പരിരക്ഷിക്കുവാനും യാത്രാസൌകര്യങ്ങള്‍ ഒരുക്കുവാനും ഇവര്‍ സഹായിച്ചിരുന്നു. 1717-ല്‍ ഫ്രീമാസനറി സംഘടന  ഇംഗ്ലണ്ടില്‍ രൂപികരിച്ച്  ആദ്യത്തെ 'ഗ്രാന്‍ഡ്‌ ലോഡ്ജിനു' രൂപം കൊടുത്തു. ഒരു പ്രത്യേക ഭൂവിഭാഗത്തില്‍ ഭരിക്കുവാനായി ചുമതലപ്പെടുത്തിയവരുടെ ആസ്ഥാനത്തെയാണ് ഗ്രാന്‍ഡ്‌ ലോഡ്ജ് എന്നു പറയുന്നത്. അമേരിക്കയില്‍ ഫ്രീമാസനറി  സംഘടനയുടെ ലോഡ്ജുകള്‍ എല്ലാ സ്റ്റേറ്റിലുമുണ്ട്. കാനഡായിലും ഓരോ പ്രൊവിന്‌സിലും സംഘടനയുടെ ലോഡ്ജ് പ്രവര്‍ത്തിക്കുന്നുണ്ട്. അമേരിക്കയില്‍  13200 ഫ്രീമാസനറി ലോഡ്ജുകള്‍ പ്രവര്‍ത്തിക്കുന്നുവെന്നു  കണക്കാക്കിയിരിക്കുന്നു. .

ഫ്രീമാസന്റി ഒരു മതമല്ലെങ്കിലും ദൈവത്തെ പരമപിതാവായി കണ്ടു പരസ്പര സാഹോദര്യത്തിലും സഹവര്‍ത്തിത്വത്തിലും കഴിയണമെന്നുള്ളതാണ്   നിയമം.  സമൂഹത്തോട് പരസ്പരം കൂറു പുലര്‍ത്തണമെന്നും മൗലികതത്ത്വ മാണ്. ഒരു അംഗം മറ്റൊരു അംഗത്തെ കണ്ടുമുട്ടുന്നുവെങ്കില്‍ ഒരേ കുടുംബത്തിലെ അംഗങ്ങളെപ്പൊലെ പരസ്പരം പെരുമാറും.


ആത്മധൈര്യമാണ്  ഫ്രീമാസനില്‍ അംഗമായ ഒരാളില്‍ പ്രകടമാകേണ്ടത്. ഉറച്ച ദൈവവിശ്വാസവും പ്രതീക്ഷകളും ഈ സംഘടനക്കു ബലം നല്‍കുന്നു.

വിസ്തൃതമായ സമ തലങ്ങളിലേക്കും  കുന്നുകളിലേക്കും  നദികളലേക്കും  ഒരുവന്റെ  മനസ്സ് പ്രവര്‍ത്തിപ്പിക്കുവാന്‍ പഠിക്കണം.  വിസ്മയങ്ങളായ പ്രപഞ്ചത്തിലെ ജ്ഞാനം അവനുള്ളില്‍  ആവഹിക്കുവാൻ  പ്രായോഗിക പരിശീനം ‍ നേടേണ്ടതായുണ്ട്.  അതിനായി സ്വയം പരിമിതികള്‍ മനസ്സിലാക്കി  ഇന്ദ്രിയങ്ങള്‍ക്കുള്ളില്‍ ജ്ഞാനത്തെയും വിശ്വാസത്തെയും മന:ശക്തിയെയും ഉറപ്പിക്കണമെന്നും ഇവരുടെ തത്ത്വങ്ങള്‍ ഉപദേശിക്കുന്നു. 


ഒരു കുലീന വര്‍ഗമായിട്ടാണ് ഈ സംഘടനയെ കരുതുന്നത്.കൂടെ വിശാലമനസ്കതയും മറ്റുള്ളവരെ സഹായിക്കുവാനുള്ള മന:സ്ഥിതിയും ഉണ്ടായിരിക്കണം. എല്ലാ മനുഷ്യരിലും മാഹാത്മ്യവും വിശുദ്ധിയും പൈശാചികതയും  ഏകാന്തതയും ജിഞാസയും ഉണ്ട്. ഏതു സാഹചര്യത്തിലും ക്ഷമിക്കുവാനും ചുറ്റുമുള്ളവരെ സ്നേഹിക്കുവാനും സന്മനസുണ്ടായിരിക്കണം.  മറ്റുള്ളവരുടെ ദുഖത്തില്‍ അവര്‍ എത്ര പാപികളും കുറ്റക്കാരുമെങ്കിലും അവനും തരണം ചെയ്യുവാന്‍ കഴിയും.

ആഗോളതലത്തില്‍ നൂറ്റാണ്ടുകളായി നിലവിലുള്ള പ്രീമാസണ്‍  സംഘടന വളരെയേറെ വിവാദപരവും രഹസ്യാത്മകവുമായ ചരിത്രവും ഉള്ള  പ്രസ്ഥാനമാണ്.  ഇവരുടെ ഭൂതകാല ചരിത്രം അനേക കുറ്റകൃത്യങ്ങള്‍ നിറഞ്ഞതാണ്‌. തെളിയിക്കപ്പെടാത്ത അനേക  നിഗൂഢതകൾ  നിറഞ്ഞ  പൂർവകാല കഥകളും ഇവര്‍ക്കുണ്ട്. രഹസ്യങ്ങളും പാരമ്പര്യങ്ങളും അതീവ രഹസ്യമായി ഒരു തലമുറയില്‌നിന്നും  അടുത്ത തലമുറയിലേക്കു നല്കുന്നതുമൂലം കാലഹരണപ്പെട്ട ഇവരുടെ പ്രവര്‍ത്തന വിവരങ്ങളോ ഇപ്പോള്‍ നടക്കുന്നതോ എന്തെന്നും ആര്‍ക്കും നിശ്ചയമില്ല. ഈ സംഘടനയുടെ പുറകില്‍ പ്രവര്‍ത്തിക്കുന്നതെന്തെന്നും പുറംലോകത്തിനു അറിഞ്ഞുകൂടാ.

 ഫ്രീമാസനിലുള്ള ഒരംഗം   ക്രിമിനല്‍ കുറ്റത്തിലോ  മറ്റു വ്യവഹാരങ്ങളിലോ കുടുങ്ങിയാല്‍ അയാളെ നിയമത്തിന്റെ കുരുക്കില്‍നിന്നും രക്ഷപ്പെടുത്തുവാന്‍ സംഘടനയും അതിലെ അംഗങ്ങളും ബാധ്യസ്ഥരാണ്. എത്ര ഗുരുതരമായ കുറ്റം പ്രീമാസനിലെ ഒരു അംഗം ചെയ്താലും അയാള്‍ക്കെതിരെ  ആരും  കോടതിയില്‍ സാക്ഷി പറയുവാന്‍ പാടില്ല.  അയാളെ അസത്യത്തിന്റെ മാര്‍ഗത്തില്‍ക്കൂടിയെങ്കിലും രക്ഷപ്പെടുത്തണമെന്നും പ്രതിജ്ഞചെയ്യണം. സ്വന്തം ആള്‍ക്കാരെ കൊലപാതകക്കുറ്റമാണെങ്കിലും രക്ഷിക്കാതെയിരിക്കുന്നത് അതിപാപമെന്നും അംഗങ്ങളെ ബോധിപ്പിക്കുന്നു.

 പരസ്പരം തിരിച്ചറിയുവാനായി  പ്രത്യേക ആചാരരീതിയിലുള്ള രഹസ്യമായ ഹസ്തദാനരീതി  ഇവരുടെയിടയിലുണ്ട്. മറ്റൊരു അംഗത്തിന് എന്തെങ്കിലും അപകടം സംഭവിക്കുന്നുവെന്നു ബോധ്യമായാല്‍ ഏതു സാഹചര്യങ്ങളിലും സഹപ്രവര്‍ത്തകരെ  രക്ഷപ്പെടുത്തുവാനായി രഹസ്യമായ കോഡുഭാഷയും ഉപയോഗിക്കും.  മോര്‍മ്മോണിസത്തിന്റെ സ്ഥാപകപിതാവായ ജോസഫ് സ്മിത്തും മരണ സമയത്ത് മുഖംകൊണ്ട് ഇങ്ങനെ ഒരു കോഡുഭാഷ ഉപയോഗിച്ചതായി  പറയപ്പെടുന്നു.

 ഫ്രീ മാസന്‍  സംഘടനക്കു രഹസ്യമായ അനേക  കോഡുകളുണ്ട് (password).  ഇവരുടെ രഹസ്യവാക്കുകളെ ഈ സംഘടനയില്‍ ഉള്ളവര്‍ക്കു മാത്രമേ മനസ്സിലാവുകയുള്ളൂ. ചില ആചാരദിനങ്ങളില്‍ രഹസ്യമായ പാസ് വേര്‍ഡുകള്‍ പരസ്പ്പരം കൈമാറുകയെന്നുള്ളതും സാധാരണമാണ്.

ഈ വര്‍‌ഗസംഘടനയുടെ   ആകര്‍ഷകമായ  മതാചാരങ്ങളില്‍ കൊലക്കയര്‍ പോലുള്ള ഒരു കുടുക്കും കാണാം. ഈ കയര്‍ ഭീഷണിയാണെന്നു  പറയുവാനും പ്രയാസമാണ്. ഒരുപക്ഷേ  സദസ്സിനെ ശാന്തമാക്കുവാനുള്ള  ഒരു അടയാളമാകാം.  വയറ്റിലെ പൊക്കിള്‍ക്കൊടിപോലെയുള്ള സംഘടനയുടെ അടയാളമെന്നാണ് ഇവർ അവകാശപ്പെടുന്നത്.

കിഴക്ക് പുനര്‍ജന്മത്തിന്റെ അടയാളമെന്നു  ഫ്രീമാസ്സന്‍  വിശ്വസിക്കുന്നു. അവര്‍ വിമാനത്തില്‍ ആകാശത്തില്‍ക്കൂടി   യാത്ര ചെയ്യുമ്പോഴും സൂര്യനെപ്പറ്റിയുള്ള കീര്‍ത്തനങ്ങള്‍ പാടുന്നു. സോളാര്‍ശക്തി സമാഹരിക്കുവാന്‍   ഫ്രീ മാസന്‍   ആസ്ഥാനമന്ദിരങ്ങള്‍ പണിയുന്നതും കിഴക്കും പടിഞ്ഞാറും ദൃശ്യങ്ങളായിട്ടായിരിക്കും.

 ദൈവവിശ്വാസം ഇല്ലാത്തവരെ  ഫ്രീമാസന്‍ തങ്ങളുടെ സംഘടനയില്‍ ചേര്‍ക്കുകയില്ല. ഫ്രീമാസന്റെ ആദ്യത്തെ നിയമംതന്നെ ഓരോ അംഗത്തിനും ഉറച്ച ദൈവവിശ്വാസം ഉണ്ടായിരിക്കണമെന്നുള്ളതാണ്‌. ഏതു ഭാവനയിലുള്ള ദൈവത്തെ വിശ്വസിച്ചാലും സ്വയം ദൈവത്തെ അറിയുവാനും നിര്‍വചനം കൊടുക്കുവാനും ഒരു അംഗത്തിന് സാധിക്കണം. വ്യത്യസ്തങ്ങളായ ദൈവത്തിന്റെ വിവിധ രൂപഭാവങ്ങളില്‍ വിശ്വസിച്ചാലും പ്രീമാസന്റെ തത്ത്വങ്ങളില്‍ സ്വതന്ത്രമായ ഇടമുണ്ട്. ഓരോരുത്തരും അവരവരുടെ വിശ്വാസത്തെ അംഗീകരിക്കും.  ഫ്രീ മാസന്റെ സന്മാര്‍ഗ തത്ത്വശാസ്ത്രത്തില്‍ വിശ്വസിക്കുന്ന  സ്വവര്‍ഗരതിക്കാരെയും   മാസണീക്   അംഗങ്ങളാക്കും. എങ്കിലും സ്ത്രീകള്‍ക്ക് അംഗത്വം കൊടുക്കുകയില്ല. ഫ്രീമാസന്റെ ഈ നയങ്ങളെ ഒരു വിഭാഗം എതിര്‍ക്കുന്നുമുണ്ട്.

  ഫ്രീമാസന്റെ അഴിമതികള്‍ ഏറെയാണ്‌. പലതും കോടതികള്‍ വിചാരണ ചെയ്തുകൊണ്ടിരിക്കുന്നുമുണ്ട്. എങ്കിലും ഇവര്‍ക്ക് ഏതു കേസ്സുകള്‍ വന്നാലും കുറ്റം ആരോപിക്കുവാന്‍ സാധിക്കാതെ രക്ഷപ്പെടുവാനും അറിയാം. അഞ്ചു ലക്ഷം  ഫ്രീമാസന്‍ അംഗങ്ങള്‍ ബ്രിട്ടനില്‍തന്നെ ബാങ്കിംഗ്, രാഷ്ട്രീയ സര്‍ക്കാര്‍  തുറകളില്‍ വ്യാപൃതരായി ഉണ്ട്.ഉന്നത ഭാരവാഹിത്വവും വഹിക്കുന്നുണ്ട്. ഹോസ്പിറ്റലുകളും അനേക യൂണിവേഴ്സിറ്റികളും പലപ്പോഴും ഫ്രീമാസന്റെ  നിയന്ത്രണത്തിലാണ്.

അമേരിക്കന്‍ ഡോളര്‍ ശരിക്കും കണ്ണോടിക്കുകയാണെങ്കില്‍ പിരമിഡിന്റെ മുകളിലായി ഒരു കണ്ണു കാണാം. ഇതാണു ഫ്രീമാസന്‍ എന്ന സംഘടനയുടെ അടയാളം.  ഫ്രീ മാസന്റെ ഈ അടയാളത്തില്‍ അവരുടെ ലക്ഷ്യങ്ങളും ലാറ്റിനില്‍ എഴുതിയിരിക്കും. നവമായ ഒരു ലോകകാഴ്ച്ചപ്പാട് എന്നാണ്  ലാറ്റിനിലെ ലിഖിതത്തിന്റെ അര്‍ഥം. ബെഞ്ചമിന്‍ ഫ്രാങ്ക്ളിൻ  (ഡോളര്‍ നോട്ടില്‍ കാണുന്ന പടം) ഫ്രീമാസന്റെ ഈ അടയാളം നിര്‍ദ്ദേശിച്ചപ്പോള്‍ ഉണ്ടായിരുന്നുവെന്നും ചിലര്‍ അനുമാനിക്കുന്നു.

ഫ്രീമാസനെന്ന ഈ വര്‍ഗസംഘടനക്ക്   ലോകം മുഴുവന്‍ കീഴടക്കി ഭരിക്കണമെന്ന് മോഹമുണ്ടെന്നും ചിലര്‍ കരുതുന്നു. ചന്രന്‍ കീഴടക്കുകയെന്നതും  ഇവരുടെ ലക്ഷ്യങ്ങളില്‍ ഒന്നായിരുന്നു. ചന്ദ്രയാത്രികനായ ബൂസ് ‌ ആള്‌ട്രിന്‍  (Buzz Aldrin) –ഫ്രീമാസന്റെ സജീവ പ്രവര്‍ത്തകനായിരുന്നു. സംഘടയുടെ അടയാളസഹിതമുള്ള   കൊടി ചന്ദ്രനില്‍ കൊണ്ടുപോയി തിരിച്ചു കൊണ്ടുവരികയും ചെയ്തു. ഫ്രീമാസന് ഇങ്ങനെയുള്ള പ്രസിദ്ധരായ അനേകം  അംഗങ്ങൾ  ഉണ്ട്. പലര്‍ക്കും അവരുടെ ആശയങ്ങള്‍ ഉൾക്കൊള്ളുവാന്‍
സാധിക്കുകയില്ലെങ്കിലും ലോകംതന്നെ ഇവരുടെ നിയന്ത്രണത്തിലെന്നോണം ഫ്രീമാസ്സൻ  സംഘടന  ശക്തമാണ്.

 ഒരു ഫ്രീമാസന്‍ അംഗം ‍ വളരെയേറെ പരീക്ഷണങ്ങള്‍ അതിജീവിക്കേണ്ടതായി ഉണ്ട്.  ശാന്തനും  അഹങ്കാരമില്ലാത്തവനും  വിനീതനുമായിരിക്കണം. ‌ കളങ്കമില്ലാത്തവനും  മറ്റാരെയുംദ്രോഹിക്കാത്തവനും  മനുഷ്യനെന്ന നിലയില്‍ സ്വയം കര്‍മ്മാനുഷ്ഠാനങ്ങളിൽ  മുഴുകിയവനും ഉത്തമമായ കുടുംബ ജീവിതം നയിക്കുന്ന ഒരു ഭര്‍ത്താവുമായിരിക്കണം.  നല്ല ഒരു പുരോഹിതന്‍, ഹൃദയശുദ്ധിയുള്ളവന്‍,‌ ദയാശീലന്‍ എന്നീ ഗുണങ്ങള്‍  ഉണ്ടായിരിക്കണം. ‌ ആഢംമ്പരമോ ആര്‍ഭാടമോ ഇല്ലാത്തവന്‍, കപടതയില്ലാത്തവന്‍, സ്വാര്‍ഥതയില്ലാതെ ചുറ്റുമുള്ള സഹായം അര്‍ഹിക്കുന്നവരെ സഹായിക്കുന്നവന്‍, നല്ലവരുമായി  ഹാര്‍ദ്ദമായ  സൌഹാര്‍ദം   കൊതിക്കുന്നവന്‍ എന്നിങ്ങനെയുള്ള സ്വഭാവ നേട്ടങ്ങളും ഫ്രീമാസൻ അംഗത്തിനാവശ്യമാണ്.  പ്രശാന്തമായ മനസ്സ്, ഏവര്‍ക്കും ആനന്ദം നല്‍കുന്നവന്‍,  തന്റെ മാറ്റങ്ങളില്‍, ഉച്ചനീചത്വങ്ങളില്‌  മറ്റുള്ളവരെ നിരാശനാക്കാത്തവന്‍,  തന്റെ സൌഭാഗ്യങ്ങളില്‍ അഹങ്കാരം കാണിക്കാത്തവന്‍, അപകട സമയങ്ങളില്‍ ഉറച്ച തീരുമാനം കൈകൊള്ളുന്നവന്‍, ഇങ്ങനെയെല്ലാം  സ്വഭാവമേന്മക്കുള്ള നിയമങ്ങളില്‍ ഉണ്ട്.


 ഒരുവന്‍ അന്ധവിശ്വാസങ്ങളില്‍നിന്നും ഈശ്വരനിന്ദയില്‍ നിന്നും വിശ്വാസവഞ്ചനയില്‍ നിന്നും സ്വതന്ത്രനായിരിക്കണം. പ്രകൃതിയെ നിത്യമായ  ഗുരുവായി കാണണം. മനുഷ്യന്റെ ഭാവനകളെക്കാളും  അതീതമായ ആ ശക്തിവിശേഷത്തെയും തിരിച്ചറിയുവാനുള്ള മാനസിക തുലനത ഉണ്ടാക്കണം. ഉന്നതങ്ങളിലുള്ള ശക്തിദൈവത്തില്‍ വിശ്വാസവും പ്രതീക്ഷകളും ഉണ്ടായിരിക്കണം.ധര്‍മ്മവും പരോപകാരതയും അര്‍ഥമില്ലാത്ത വാക്കുകള്‍ക്കുള്ളില്‍ മാത്രം ഒതുക്കി നിറുത്തിയാല്‍ പോരാ. നമുക്കുള്ള സ്വത്തുക്കളും ജീവിതവും പ്രിയപ്പെട്ടവരുടെ   നന്മക്കായും ത്യജിക്കുവാന്‍ തയ്യാറാവണം. എന്ത് ത്യാഗവും സഹിച്ചു സത്യത്തിനുവേണ്ടി പൊരുതണം.

 ഒരുവന്‍ സ്വയം വിധിക്കുന്നവനായിരിക്കണം. മറ്റുള്ളവന്റെ വിധിയാളന്‍  ആവരുത്. അയല്‍ക്കാരന്റെ തകര്‍ച്ചയില്‍, ബലഹീനതയില്‍, സഹനത്തോടെ പങ്കുചേരുന്നവനായിരിക്കണം. അധികാരഭാവം കാണിക്കാതെ തെറ്റുകളെ തിരുത്തുന്നവനായിരിക്കണം. ക്ഷമയോടെ ബുദ്ധിയെ പരിപോഷിപ്പിക്കണം. സ്വയം കഴിവുകളെ   മനസ്സിലാക്കി കണക്കുകൂട്ടി ജീവിക്കുവാന്‍ പഠിച്ചവനായിരിക്കണം. സദ്ഗുണ സദാചാര മനക്കരുത്തോടെ ലളിതമായ വസ്ത്രധാരണ രീതിയിലും മനസ്സ്  വ്യാപരിക്കുന്നവനായിരിക്കണം. കൊട്ടാരത്തില്‍ താമസിക്കുന്നവനും ചെറുവീടുകളില്‍ താമസിക്കുന്നവനും നീതിയെ മാനിക്കുന്നവനുമായിരിക്കണം

ഒരു ദളിത് സഹകാരിയുടെ ക്രിസ്തീയ ചിന്തകൾ-Part 2

രാജ്യമാകമാനമുള്ള കത്തോലിക്കരും നവീകരണസഭകളും 2012 ഡിസംബര്‍ ഒമ്പതാം തിയതി ദളിത സ്വാതന്ത്ര്യ മുക്തിദിനമായി ആഘോഷിക്കുകയുണ്ടായി.കത്തോലിക്കാ ബിഷപ്പ്സ്  കോണ്‌ഫറന്സും (സി.ബി.സി.ഐ) എന്‍.സി.സി.ഐ. പോലുള്ള മറ്റു ക്രിസ്ത്യന്‍ സംഘടനകളും പ്രശ്നങ്ങളില്‍ പൊടുന്നനെ ആകുലരായി ദളിതര്‍ക്കുവേണ്ടി വാദിക്കുവാന്‍ രംഗത്തു  വന്നിരിക്കുന്നു. ഈ രണ്ടു സംഘടനകളും വത്തിക്കാനുവേണ്ടി പ്രവര്‍ത്തിക്കുന്നവരാണ്.

ബെനഡിക്റ്റ് പതിനാറാമന്‍റെ നേതൃത്വത്തില്‍ 2012 ഒക്റ്റോബര്‍ മാസത്തില്‍ കത്തോലിക്കാസഭ ഒരു മതസമ്മേളനം വിളിച്ചുകൂട്ടിയിരുന്നു. മാറ്റംവന്ന ലോകത്തിന്‍റെ പുതിയ സാഹചര്യത്തില്‍ സുവിശേഷതത്ത്വങ്ങള്‍ പ്രചരിപ്പിച്ചു ജനങ്ങളിലേക്ക് അതിവേഗം വ്യാപിപ്പിക്കുവാനും യോഗം നിര്‍ദേശിച്ചിരുന്നു. ഭാരതീയ ചിന്തകളുടെ ഒഴുക്കിനഭിമുഖമായി രാജ്യമാകമാനമുള്ള ക്രൈസ്തവ മതവും ദളിതര്‍ക്കുവേണ്ടി മുദ്രാവാക്യത്തില്‍ക്കൂടി രക്ഷകരെപ്പോലെ മുറവിളി തുടങ്ങി. " മനുഷ്യന്‍ മനുഷ്യനെതിരായുള്ള വിവേചനം അവസാനിപ്പിക്കുക, ആഗോള ദളിതരിലും സമത്വം പടുത്തുയര്‍ത്തുക, മാലോകരെല്ലാം ഒന്നുപോലെ" എന്നുള്ള മഹനീയ ചിന്താഗതികളുമായി ദളിത രംഗത്തു  കൊടിപിടിച്ചിരിക്കുകയാണ്.

 

എന്നാല്‍ സഭ യഥാര്‍ഥത്തില്‍ പഴയ വീഞ്ഞിനൊപ്പം പുത്തന്‍ വീഞ്ഞ് പകര്‍ന്നുവെന്നേയുള്ളൂ. ദളിത്‌ ക്രിസ്ത്യാനികളെയും ഷെഡ്യൂള്‌ഡു കാസ്റ്റ് പട്ടികയില്‍ ഉള്‍പ്പെടുത്തണമെന്നുള്ള ന്യായവാദങ്ങളുമായി സഭ സർക്കാരിനോട്  ദളിത വിമോചനത്തിനായി  ആവശ്യപ്പെട്ടു. സര്‍ക്കാര്‍ ക്രിസ്ത്യന്‍ ദളിതര്‍ക്ക് നല്‍കിയ വാഗ്ദാനങ്ങള്‍ പാലിച്ചില്ലെന്നും മന്‍മോഹന്‍ സിംഗിനെ വിമർശിച്ചുകൊണ്ടു സഭവക ഒരു പ്രസ്താവനയും ഉണ്ടായിരുന്നു. സഭയുടെ  ഈ അഭ്യർധന എന്തോ വൻ കാര്യം ചെയ്തതുപോലെയും ആയി. ദളിതര്‍ക്കായുള്ള മുന്ദ്രാവാക്യങ്ങൾ അക്ഷരാര്‍ഥത്തില്‍ ഭംഗിവാക്കുകളും മനസ്സിനു കുളിര്‍മ നല്‍കുന്നതുമാണ്. സഭyക്കു  തന്നെ മുപ്പതു ലക്ഷം ദളിത്‌ ക്രിസ്ത്യാനികളെ നാളിതുവരെ സമത്വഭാവേന കാണുവാന്‍ സാധിച്ചിട്ടില്ല. ഇങ്ങനെയുള്ള ഒരു സഭയ്ക്ക് എങ്ങനെ ദളിതര്‍ക്കു വേണ്ടി വാദിക്കുവാന്‍ സാധിക്കുന്നു?

  

 

സഭയോടു  ചൊദിക്കുവാനുള്ളത് ഒരേയൊരു ചോദ്യം. നൂറ്റാണ്ടുകളായി മതം മാറി ക്രിസ്ത്യാനികളായി ജീവിക്കുന്ന ദളിതരുടെ   ജീവിത നിലവാരം ഹൈന്ദവ ദളിതർക്കു  തുല്യമോ? ഈ നീണ്ടകാലയളവില്‍ സഭ അവര്‍ക്കായി എന്തുചെയ്തു? ഭാരത സഭയിലെ എഴുപതു ശതമാനം വരുന്ന ദളിത്  ക്രിസ്ത്യാനികള്‍ സഭയുടെ ഘടകമല്ലെന്നുള്ളതും സത്യമാണ്. സഭയില്‍ ദളിത്  ക്രിസ്ത്യാനികളുടെ പങ്കാളിത്തമെന്തെന്നും വ്യക്തമല്ല. ദളിതരോടുള്ള വിവേചനം എന്നും വര്‍ദ്ധിച്ചുകൊണ്ടിരിക്കുന്നു. ഇതിനുത്തരവാദി ഹൈന്ദവമാമൂലുകളും തത്ത്വങ്ങളുമാണെന്ന്  പറഞ്ഞ്  സഭ കൈകഴുകുന്നതു ശോചനീയമാണ്.

 

യാതൊരുവിധ വിവേചനവും ക്രൈസ്തവധര്‍മ്മത്തില്‍ ഇല്ലെന്നാണ് വെപ്പ്.തന്മൂലമാണ്‌ ദളിതരുടെ പൂര്‍വിക തലമുറകള്‍ ക്രിസ്തുമാ‍ർഗം സ്വീകരിച്ചത്. 1981 ല് സി.ബി.സി. ഐ. പാസ്സാക്കിയ ഒരു പ്രമേയത്തിലും ക്രിസ്തുമതത്തില്‍ ജാതിവ്യവസ്തയില്ലെന്നു തറപ്പിച്ചു പറഞ്ഞിട്ടുണ്ട്. മനുഷ്യനും മനുഷ്യനും തമ്മിലുള്ള വിവേചനം തികച്ചും സാമൂഹ്യദ്രോഹമാണ്. മനുഷ്യാവകാശലംഘനവുമാണ്. ദുഷിച്ച വ്യവസ്ഥയാണ്‌. ഫാദര്‍ ആന്റണി രാജിന്‍റെ ഒരുപഠന റിപ്പോര്‍ട്ടിൽ  വിവേചന വ്യവസ്ഥിതിയുടെ കൊടുഭീകരതയെ വെളിപ്പെടുത്തിയിട്ടുണ്ട്. തൊട്ടുകൂടായ്മ, വിവേചനം  എന്നീ സാമൂഹ്യ വ്യവസ്ഥിതികളെ വത്തിക്കാന്‍ അനേകം  തവണ രൂക്ഷമായി വിമർശിച്ചിട്ടുമുണ്ട്.

 

 

എന്നാല്‍ പ്രായോഗിക ജീവിതത്തില്‍ ഒരു ദളിതന് തന്‍റെ ജീവിതത്തിലെ ഓരോ പടികളും വിവേചനത്തില്‍ക്കൂടി മാത്രമേ കടന്നുപോകുവാന്‍ സാധിക്കുന്നുള്ളൂ. സവര്‍ണ്ണ ക്രിസ്ത്യാനികളില്‍നിന്നു ക്രൂരയാതനകള്‍  അവൻ  അനുഭവിക്കുന്നു. സഭയുടെ സമ്പൂര്‍ണ്ണ സമ്പത്ത് വിരലിലെണ്ണാന്‍ മാത്രമുള്ള ഏതാനും പുരോഹിതരുടെ നിയന്ത്രണത്തിലുമാണ്. ക്രിസ്ത്യന്‍ ദളിതരെ ഷെഡ്യൂൾഡ്‍കാസ്റ്റില്‍ ഉള്‌പ്പെടുത്തണമെന്നുള്ള പൌരാഹിത്യ നേതൃത്വത്തിന്‍റെ രാഷ്ട്രത്തോടുള്ള അഭ്യര്‍ഥന വെറും ഇരട്ടത്താപ്പുനയം മാത്രമാണ്. ആത്മാര്‍ഥത ലവലേശം നിഴലിക്കുന്നില്ല. ക്രിസ്ത്യന്‍ നേത്രുത്വത്തോടുള്ള ദളിതരുടെ വ്രണിതമായ വികാരങ്ങളെ മറ്റൊരു ദിക്കിലേക്കു  തിരിച്ചു വിടുവാന്‍ ബിഷപ്‌ സംഘടനകള്‍ക്ക് സാധിച്ചു. കുറ്റം മുഴുവന്‍ സര്‍ക്കാരില്‍ ആരോപിച്ച്  മതപരിവര്‍ത്തനത്തിനായി സമയവും പണവും കണ്ടെത്തുകയും ചെയ്യാം. അങ്ങനെ സഭയുടെ വേരുകള്‍ എന്നും ദളിതരുടെ കഴുത്തില്‍ കത്തികള്‍ വെച്ചുകൊണ്ട് ഉറപ്പിക്കുകയും ചെയ്യും.

ദളിത്  ക്രിസ്ത്യാനികളുടെ ക്ഷേമം എന്ന വിഷയം  സഭയുടെ നയങ്ങളില്‍ ഒരിക്കലും ഉള്‌ക്കൊള്ളിച്ചിട്ടുണ്ടായിരുന്നില്ല. ദളിതരെ കരുവാക്കി ഭാരത ക്രൈസ്തവ സാമ്രാജ്യം പടുത്തുയ‍ർത്തുകയെന്ന ഒറ്റ ലക്‌ഷ്യം മാത്രമേ  ക്രൈസ്തവ നേത്രുത്വത്തിനുണ്ടായിരുന്നുള്ളൂ.  അത് തികച്ചും തെളിവുകള്‍ സഹിതം വ്യക്തമാണ്. കത്തോലിക്കരിലെ നൂറ്റി അറുപത്തെട്ടു ബിഷപ്പുമാരിൽ  ദളിതരായിയുള്ളതു വെറും നാലു  ബിഷപ്പുമാരാണ്. രൂപതകളില്‍ പതിമൂവായിരവും മതപരമായ മറ്റു മണ്ഡലങ്ങളില്‍ പതിനാലായിരവും പുരോഹിതര്‍ ഉണ്ട്. ഒരു ലക്ഷം കന്യാസ്ത്രികളും അയ്യായിരം സഹോദരന്മാരും ഭാരതസഭയ്ക്കുണ്ട്. ഇവരില്‍ ദളിത് പുരോഹിതര്‍  ഭാരത സഭയ്ക്കുള്ളില്‍ കൂടിയാല്‍ നൂറില്‍പ്പരം കാണും.

 

 

അടുത്ത കാലത്ത് ദില്ലി  അതിരൂപതയിലുള്ള ഫാദര്‍ വില്ല്യം പ്രേംദാസ് ചൌധരിയെന്ന ദളിത്  പുരോഹിതന്‍ തന്‍റെ ആത്മകഥ പ്രസിദ്ധപ്പെടുത്തിയിരുന്നു. താന്‍ അനുഭവിച്ച യാതനകളും ധര്‍മ്മസങ്കടങ്ങളും 'അധികപ്പറ്റായ പുരോഹിതന്‍' (Unwanted  Priest) എന്ന പുസ്തകത്തിലൂടെ വെളിപ്പെടുത്തിയിട്ടുണ്ട്.സ‍ർക്കാ‍ർ കഴിഞ്ഞാല്‍ ഭാരതത്തില്‍ ഏറ്റവും കൂടുതല്‍ റിയല്‍എസ്റ്റേറ്റ് സാമ്രാജ്യം കൈവശം വെച്ചിരിക്കുന്നത് സഭയെന്ന്  ഒരു ധാരണയുണ്ട്. ഒരു പട്ടണം തന്നെ എടുക്കുകയാണെങ്കിലും ആ പട്ടണത്തിന്‍റെ ഹൃദയഭാഗത്തുള്ള വസ്തുക്കള്‍ സഭയുടെ നിയന്ത്രണത്തില്‍ ആയിരിക്കും. ഭരണഘടനപരമായി മറ്റു മതവിഭാഗങ്ങള്‍ക്കില്ലാത്ത  അവകാശങ്ങള്‍ സഭാ സ്വത്തിന്മേല്‌ സഭക്കുണ്ട്. സഭാ സ്ഥാപനങ്ങളെ  നിയന്ത്രിച്ചുകൊണ്ടുള്ള നിയമങ്ങള്‍ ഇനിയും  പ്രായോഗികമാക്കേണ്ടതുണ്ട്.

ഭാരത്തില്‍ കത്തോലിക്കാസഭയ്ക്കു  തന്നെ 480 കോളെജുകളും 63 മെഡിക്കല്‍ കോളെജുകളും 9500 സെക്കണ്ടറി സ്കൂളുകളും നാലായിരം ഹൈസ്കൂളും പതിനാലായിരം പ്രൈമറിസ്കൂളും ഉണ്ട്. കൂടാതെ 7500 നേഴ്സറി സ്കൂളുകള്‍, 500 ട്രെയിനിംഗ് സ്കൂള്‍,900 ടെക്കനിക്കല്‍ സ്കൂള്‍, 263 പ്രൊഫഷനല്‍ സ്ഥാപനങ്ങള്‍, ആറ്  എഞ്ചിനീയറിംഗ് കോളേജുകള്‍ , 3000 ഹോസ്റ്റലുകള്‍, 787 ഹോസ്പിറ്റലുകൾ , 2800 ഡിസ്പന്സറികള്‍, ആരോഗ്യ കേന്ദ്രങ്ങള്‍ മുതലാവ ഇന്ന് സഭയുടെ  നിയന്ത്രണത്തില്‍ ഉണ്ട്. മറ്റു നവീകരണ ക്രിസ്ത്യന്‍സ്ഥാപനങ്ങളും ഉള്‍പ്പെടുത്തിയാല്‍ ഈ കണക്കുകളുടെ ഇരട്ടി സ്ഥാപനങ്ങള്‍ ക്രിസ്ത്യന്‍ സമുദായത്തിനു മൊത്തം കാണാം.

സഭയുടെ അധീനതയിലുള്ള ബൃഹത്തായ സ്ഥാപനങ്ങളില്‍ ദളിത്  ക്രിസ്ത്യാനികളില്‌നിന്നും എത്ര പ്രൊഫസർ‌മാർ‌, ഫാക്കല്‍റ്റിഡീന്‍, ഡോക്റ്റര്‍മാര്‍, നിയമിതരായിട്ടുണ്ടെന്നും ഒരു ദളിതലേഖകന്‍ ഇവിടെ ചോദിക്കുന്നു. ക്രിസ്ത്യന്‍ ദളിതരില്‌നിന്നും ഹോസ്പിറ്റലുകളില്‌ ഡോക്റ്റര്‍മാരോ സഭയുടെ സാമൂഹ്യ സ്ഥാപനങ്ങളില്‌ ഡയറക്റ്റര്‍മാരോ കാണ്മാന്‍ പോലും കഴിയുകയില്ല..

ക്രിസ്ത്യാനികളായി മതം മാറ്റുന്നതിനും മതം മാറുന്നവരുടെ സാമൂഹ്യ സുരക്ഷക്കുമായി കോടി കണക്കിനു ഡോളര്‍ വിദേശപ്പണം സഭ സമാഹരിക്കുന്നുമുണ്ട്. ദളിത്  വിമോചനദിനം ആചരിക്കുവാന്‍ നേതൃത്വം ചമഞ്ഞ സഭയുടെ മുമ്പില്‍ ഒരു ദളിത്‌ ക്രിസ്ത്യാനിക്ക് അനേക ചോദ്യങ്ങള്‍ ചോദിക്കുവാനും ഉണ്ടാകും. സഭ ഉത്തരം പറയുവാന്‍ കടപ്പെട്ടിട്ടുമുണ്ട്.

 

സഭയുടെ കോണ്‍വെന്റ് സ്കൂളുകളില്‍ എത്ര ദളിതരായ ക്രിസ്ത്യന്‍ കുഞ്ഞുങ്ങള്‍ ഉണ്ട്? വാസ്തവത്തില്‍, സഭ ഇന്ന് ഒരു വ്യവസായസ്ഥാപനം ആണ്. ലാഭമാണ് പരമലക്‌ഷ്യം. സഭയ്ക്ക് തങ്ങളുടെ സ്ഥാപനങ്ങളില്‍ പ്രൊഫഷനല്‍ തൊഴിലുകളുള്ള ദളിതരുടെ വിവരങ്ങള്‍ അടങ്ങിയ ധവളപത്രം പുറം ലോകത്തെ അറിയിക്കുവാന്‍ ധൈര്യമുണ്ടോ.

മനുഷ്യത്വം ഇല്ലാത്ത ഈ സത്യത്തിനെ പുറം ലോകത്തിനു വിശ്വസിക്കുവാനും പ്രയാസം. അതേസമയം ഹിന്ദു ദളിതര്‌ വളരെയേറെ ഉയര്‍ന്ന നിലവാരത്തിലാണ്. അഭിവൃദ്ധിയിലേക്കുള്ള കുതിച്ചുചാട്ടത്തില്‍ ക്രിസ്ത്യന്‍ ദളിതര്‍ പരാജയമ ടഞ്ഞു പിന്‍വാങ്ങി.

ഹിന്ദു ദളിതരുടെ മേല്‍നോട്ടത്തില്‍ ചേംബര്‍ ഓഫ് കോമേഴ്സ് മുതലായ തങ്ങളുടെ സമൂഹത്തെ സഹായിക്കുവാന്‍ വ്യവസായ സംഘടനകളും ഉണ്ട്. വിഭവങ്ങള്‍ ധാരാളമുള്ള ഒരു സഭയ്ക്ക് എന്തുകൊണ്ട് അത്തരം പുരോഗതികള്‍ ക്രിസ്ത്യന്‍ ദളിതരില്‍ നടപ്പിലാക്കുവാന്‍ സാധിച്ചില്ലെന്നും ദളിതരായവർ ചോദിക്കുന്നു. ദളിത്  ക്രിസ്ത്യരെ പിന്നില്‍നിന്നും കുത്തി പ്രസ്താവനകള്‍ മുഖേന പരിഹസിക്കാതെ ഇന്നത്തെ സാമൂഹ്യ വ്യവസ്ഥയുടെ ഒഴുക്കിനൊപ്പം അവര്‍ക്കുള്ള നീതിയും അവകാശങ്ങളും സഭ നല്‍കുവാനും ക്രിസ്ത്യൻ ദളിത സംഘടനകളുടെ ശക്തമായ താക്കീതുമുണ്ട്.

R.L. Francis (Original writer, English)

The Writer is the President of Poor Christians Liberation Movement (PCLM) തര്‍ജിമ, ജോസഫ് പടന്നമാക്കൽ 

 

 സഭയ്ക്കു 

 

 

ക്രിസ്തുവിന്റെ അന്ത്യഅത്താഴവും കത്തോലിക്കാവിശ്വാസവും

കുർബാനയിലെ അപ്പത്തെപ്പറ്റി പരേതനായ ജോസഫ്
കുളിരാനിയുടെ  ലേഖനത്തിലെ ഉള്ളടക്കവും  നവീകരണ സഭകളുടെ   വിവാദങ്ങളും ബൈബിളിനെ അഗാധമായി പഠിച്ച പണ്ഡിതരായ കത്തോലിക്കർ മുഖവിലക്ക് എടുക്കുകയില്ല.  നവീകരണക്കാർ  കത്തോലിക്കരെ ഏറ്റവുമധികം വിമർശിക്കുന്നതും കുർബാനയിലെ അപ്പം എന്ന കൂദാശയെ  ചൊല്ലിയാണ്.  വചനങ്ങളെ എങ്ങനെ വേണമെങ്കിലും വളച്ചൊടിക്കാം. അതിന് യഹോവാ സാക്ഷികൾക്കും ഇവാഞ്ചലിസ്റ്റുകൾക്കും പ്രത്യേകമായ വാസനയുമുണ്ട്.


വിശ്വാസവും  ദൈവവുമായി  ഹൃദയത്തോട് അടുപ്പിക്കുമ്പോൾ പലപ്പോഴും യുക്തിക്ക് പ്രസക്തമല്ലാതെയാകുന്നു.  മൗലിക സഭകൾ  ബൈബിളും  വചനങ്ങളും  ഉപജീവനമായി കാണുമ്പോൾ കത്തോലിക്കർ  സഭയുടെ  ആദിമ നൂറ്റാണ്ടുമുതലുള്ള   ആചാരങ്ങളും  വിശ്വാസങ്ങളും പിന്തുടരുന്നു. ക്രിസ്തു  ദൈവമെന്ന്  ചിന്തിക്കുന്ന സ്ഥിതിക്ക്  കുർബാനയിലും   ദൈവചൈതന്യം വിശ്വസിക്കുന്നത്  ആത്മീയത്തിലെ  യുക്തി തന്നെയാണ്. യുക്തിവാദികൾക്ക് ദൈവമായ യേശുവിനെയോ അപ്പത്തിലെ  യേശുവിനെയോ   വിശ്വസിക്കുവാൻ സാധിക്കുകയില്ല.  എന്നാൽ സഭകളുടെ കൂട്ടായ്മക്ക് ഏകമായി  ദൈവമായ ക്രിസ്തുവെന്ന സങ്കൽപ്പമാണുള്ളത്.


വചനങ്ങളിൽ യേശു അപ്പത്തിൽ കുടികൊള്ളുന്നുവെന്ന്  വ്യക്തമായി പറഞ്ഞിട്ടുണ്ട്. വ്യാഖ്യാനിച്ചാൽ യേശു നല്കിയ അപ്പത്തെ ജീവനില്ലാത്ത മന്നായുമാക്കാം. അന്ധമായി കത്തോലിക്കാ വിശ്വാസത്തെ ആക്രമിക്കുകയെന്ന നയമാണ് നവീകരണക്കാർക്കുള്ളത്.  വസ്തുതകളിൽനിന്ന്   അകന്നുള്ള സമീപനവും യുക്തിക്ക് നിരക്കുന്നതല്ല.  നിഷ്പക്ഷമായി കത്തോലിക്കരുടെയും നവീകരണക്കാരുടെയും  ചിന്താഗതികളെ ഒരേ അളവുകോൽകൊണ്ട് അളന്നു നോക്കിയാലെ സത്യത്തിന്റെ മുഖം ദർശിക്കുവാൻ സാധിക്കുകയുള്ളൂ.



യോഹന്നാന്റെ സുവിശേഷം ആറാം അദ്ധ്യായത്തിലെ സാരം അനുസരിച്ച്  കുർബാന എന്ന കൂദാശ യേശു സ്ഥാപിച്ചതെന്ന് വിശ്വസിക്കുന്നു. കൊപ്പനാം സിനഗോഗിൽ യഹൂദർ യേശുവിനോട് ചോദിച്ചു. "അവിടുത്തെ വിശ്വസിക്കാൻ എന്തടയാളമാണ് ഞങ്ങൾക്ക് തരുവാൻ പോകുന്നത്." യേശു പറഞ്ഞു, "നിങ്ങളുടെ പൂർവികർ  മരുഭൂമിയിൽ   സ്വർഗത്തിൽനിന്നും ലഭിച്ച അപ്പമായ മന്നാ ഭക്ഷിച്ചു. യദാർഥ അപ്പം സ്വർഗത്തിലുള്ള പിതാവിങ്കൽ നിന്ന് വരുന്നു. "അപ്പം ഞങ്ങൾക്ക്  എന്നും തരണമേയെന്ന് പ്രാർഥിക്കൂ. ഞാൻ ജീവന്റെ അപ്പമാകുന്നു. എന്നിൽ വരുന്നവൻ വിശക്കുകയില്ല. എന്നിൽ വിശക്കുന്നവൻ ദാഹിക്കുകയില്ല." ആത്മീയ ഉണർവ് നല്കുന്ന ആലങ്കാരികമായ യേശുവിന്റെ ഭാഷ അവർക്ക് മനസിലാവുകയും ചെയ്തു.  വേദാന്തികളും  ഇങ്ങനെതന്നെയാണ്  സംസാരിക്കുക.  സർവ്വ ചരാചരങ്ങളിലും ബിംബങ്ങളിലും ദൈവത്തിന്റെ ചൈതന്യം കുടികൊള്ളുന്നുവെന്ന് ഹൈന്ദവ പുരാണവും പറയും.  പൂജകൾകൊണ്ട്  പാവനമാക്കുന്ന  അപ്പത്തിലും ദൈവം കുടികൊള്ളുന്നുവെന്ന് കത്തോലിക്കരും വിശ്വസിക്കുന്നു.


യഹൂദർ അവനോട് ചോദിച്ചു, "ഈ മനുഷ്യൻ എന്തേ മാംസ രക്തങ്ങൾ ഭക്ഷിക്കുവാൻ നമുക്ക് തരുന്നു."  (John 6:51–52). യേശുവിന്റെ വചനത്തിന്റെ പേരിൽ  യഹൂദർ   പരസ്പരം  വാക്കുതർക്കങ്ങളായി.  അവന്റെ വാക്കുകളെ  ശ്രവിച്ചവർ  അക്ഷരാർഥത്തിൽ അവനെ മനസിലാക്കി. യേശു വീണ്ടും വീണ്ടും  പറഞ്ഞു,  " നീ  മനുഷ്യപുത്രനെ ഭക്ഷിച്ചില്ലായെങ്കിൽ അവന്റെ രക്തം പാനം ചെയ്തില്ലായെങ്കിൽ നിന്നിൽ ജീവനില്ല.  ആരാണോ എന്റെ മാംസം കഴിക്കുകയും രക്തം പാനം ചെയ്യുകയും ചെയ്യ, അവന് നിത്യതയുണ്ട്. അന്ത്യത്തിലെ വിധിയുടെ നാളിൽ  ഞാൻ അവനെ ഉയർത്തെഴുന്നേൽപ്പിക്കും."   "സത്യം സത്യമായും  ഞാൻ പറയുന്നു ഇതെന്റെ മാംസമാണ്.   ഭക്ഷിക്കുക.   പാനീയമായ എന്റെ രക്തമാണ്. കുടിക്കുക.  ആര് എന്റെ മാംസം കഴിക്കുന്നുവോ രക്തം പാനം ചെയ്യുന്നുവോ അവൻ എന്നിലും ഞാൻ അവനിലും വസിക്കുന്നു." (John 6:53–56). 


യേശു പറഞ്ഞതെല്ലാം ആലങ്കാരിക ഭാഷയെന്ന് മൗലികവാദികൾ പറയും.  "ഞാൻ വാതിൽ ആകുന്നു ;"(John 10:9) "  "ഞാൻ മുന്തിരി വള്ളിയാകുന്നു ;"  എന്നുള്ള വചനങ്ങളെല്ലാം  ആലങ്കാരികങ്ങളായ മറ്റു വചനങ്ങളെയും തുലനം ചെയ്യും. സത്യത്തിൽ "ഞാൻ ജീവന്റെ അപ്പമാകുന്നു"വെന്ന യേശു പറഞ്ഞ വചനവുമായി  "ഞാൻ വാതിലാകുന്നു, മുന്തിരിവള്ളിയാകുന്നു"എന്നീ  വചനങ്ങൾക്ക് സാമ്യമില്ല.  എന്നാൽ ഈ  വചനങ്ങൾക്ക് ആലങ്കാരിക സൌന്ദര്യമുണ്ട്. കാരണം ക്രിസ്തു ഒരു വാതിൽപോലെയാണ്. അവനാകുന്ന വാതിലിൽക്കൂടി  സ്വർഗ്ഗകവാടത്തിൽ എത്തുന്നു. അതുപോലെ അവൻ മുന്തിരിവള്ളിപൊലെയുമാണ്. ആത്മത്തിന്റെ പാനം അവനിൽക്കൂടി  ലഭിക്കുന്നു. എന്നാൽ "ഇതെന്റെ രക്തമാകുന്നു, പാനീയമാകുന്നുവെന്ന്" യേശു പറഞ്ഞത് പ്രതീകാത്മക രൂപേണയല്ല. അവൻ തുടർന്നു. "പിതാവ് എന്നെ അയച്ചതുമൂലം ഞാൻ പിതാവിങ്കലും വസിക്കും. അതുകൊണ്ട്  ആരാണോ   എന്നെ  ഭക്ഷിക്കുന്നത്  അവൻ  എന്നിൽക്കൂടി  ജീവിക്കും." (John 6:57).  ബൈബിളിലെ  "ഡ്രോഗണ്‍ " (trogon) എന്ന ഗ്രീക്ക് പദത്തിലും  'തിന്നുക' എന്നു തന്നെയാണ് അർഥമാക്കുന്നത്.   ഗ്രീക്ക് ഭാഷ ആലങ്കാരികമായി ഉപയോഗിക്കാറില്ല.


യേശു പറഞ്ഞതിനെയൊന്നും മൃദുലമായ ഭാഷയിൽ    അവിടുന്ന് പിന്നീട്  മാറ്റി  എഴുതിയിട്ടില്ല. തെറ്റിധാരണകൾ മാറ്റുവാൻ ഒരിക്കലും ശ്രമിച്ചിട്ടില്ല.ആരും എതിർത്തുമില്ല. യേശുവിനെ ശ്രദ്ധിച്ചവർ പാവപ്പെട്ട മുക്കവരും തൊഴിലാളികളുമായിരുന്നു. ദ്വയാർഥം അവർക്ക് മനസിലാകുമായിരുന്നില്ല. ആലങ്കാരിക ഭാഷയിലാണ് യേശു പറഞ്ഞതെന്ന് പിന്നീടൊരിക്കലും അവർ ഒരു വചനങ്ങളിലും കൂട്ടിചേർത്തില്ല. അങ്ങനെയുണ്ടായിരുന്നുവെങ്കിൽ യേശു പറഞ്ഞത് തെറ്റായി ചിന്തിച്ചുവെന്ന് ബോധ്യമുണ്ടായിരുന്നുവെങ്കിൽ എന്തുകൊണ്ട് ആ തെറ്റുകളെ പിന്നീടൊരിക്കലും ശിക്ഷ്യന്മാർ തിരുത്തിയില്ല. മലയാളത്തിൽ ഒരു ചൊല്ലുണ്ട്."നിങ്ങൾ പറയുന്നത്‌ നിങ്ങളുടെ അമ്മക്ക്‌ തന്നെ മനസ്സിലാകുന്ന സാധാരണ ഭാഷയിലോ? "  ഗുരു പഠിപ്പിച്ചത് ‌  ശിക്ഷ്യന്മാർക്ക്  മനസിലാകാത്ത ആലങ്കാരികമായ ഭാഷയിൽ ആയിരുന്നുവെന്നും ചിന്തിക്കാൻ  പ്രയാസമാണ്.



യേശു പഠിപ്പിച്ചതിനെ ചൊല്ലി  ശിക്ഷ്യരുടെയിടയിൽ എന്തെങ്കിലും ആശയ വൈരുദ്ധ്യങ്ങൾ  ഉണ്ടായാൽ   പഠിപ്പിച്ചതിനെ തിരുത്താതെ  പകരം  ശിക്ഷ്യരെ   മനസിലാക്കുവാൻ   പറഞ്ഞ വചനങ്ങൾ  അവിടുന്ന് ആവർത്തിച്ച് പറഞ്ഞിരുന്നു.  അഞ്ചപ്പം കൊണ്ട് അയ്യായിരം പേരെ തൃപ്തിപ്പെടുത്തുന്ന കഥ മത്തായി സുവിശേഷത്തിൽ യേശു  ആവർത്തി ക്കുന്നുണ്ട്.( Matt. 16:5–12)  ഒരിക്കൽ പറഞ്ഞ വചനങ്ങളെ   മാറ്റങ്ങൾ  വരുത്തിയിരുന്നില്ലെന്നുള്ള     വേറെയും തെളിവുകൾ  പുതിയ നിയമത്തിൽ ഉണ്ട്. 
യോഹന്നാന്റെ സുവിശേഷം ആറാം അദ്ധ്യായം, വാക്യം അറുപതിൽ ഇങ്ങനെ വായിക്കുന്നു
  ശിക്ഷ്യന്മാർ   അതിനെച്ചൊല്ലി പിറുപിറുക്കുന്നതു യേശു തന്നിൽതന്നേ അറിഞ്ഞു അവരോടു: അവന്റെ ശിഷ്യന്മാർ പലരും അതു കേട്ടിട്ടു: “ഇതു കഠിനവാക്കു, ഇതു ആർക്കു കേൾപ്പാൻ കഴിയും എന്നു പറഞ്ഞു. “ഇതു നിങ്ങൾക്കു ഇടർച്ച ആകുന്നുവോ?മനുഷ്യപുത്രൻ   മുമ്പെ ഇരുന്നേടത്തേക്കു കയറിപ്പോകുന്നതു നിങ്ങൾ കണ്ടാലോ? ജീവിപ്പിക്കുന്നതു ആത്മാവു ആകുന്നു; മാംസം ഒന്നിന്നും ഉപകരിക്കുന്നില്ല; ഞാൻ നിങ്ങളോടു സംസാരിച്ച വചനങ്ങൾ ആത്മാവും ജീവനും ആകുന്നു. “
ചിലർ അവൻ പറഞ്ഞത് വിശ്വസിച്ചില്ലെന്ന് അവനറിയാം. ആരും അവന്റെ സമീപം തെറ്റു തിരുത്താൻ ചെന്നില്ല. ഇതെല്ലാം ആലങ്കാരിക ഭാഷയിലെങ്കിൽ ശിക്ഷ്യന്മാർ മനസിലാക്കിയത് തെറ്റായിരുന്നുവെങ്കിൽ എന്തുകൊണ്ട് യേശു അവരെ വ്യക്തമായ ഭാഷയിൽ മനസിലാക്കുവാൻ  മടക്കി വിളിച്ചില്ല. അവനിൽ സംശയങ്ങൾ ഉണ്ടായിരുന്ന യഹൂദരും അവന്റെ ശിക്ഷ്യന്മാരും അവൻ പറഞ്ഞത് മുഴുവൻ സ്വീകരിച്ചു. അവനോടൊപ്പം തന്നെ സഞ്ചരിച്ചു. അവൻ ആലങ്കാരിക ഭാഷയിൽ പറഞ്ഞിരുന്നുവെങ്കിൽ സ്വർഗ്ഗരാജ്യം തേടി ശിക്ഷ്യന്മാർ അവനോടൊപ്പം നിൽക്കുമായിരുന്നുവോ? എതിർത്തവരെ ആരെയും അവൻ പറഞ്ഞതിനെ തിരുത്തിയില്ല.


പന്ത്രണ്ട് പ്രാവിശ്യം അവൻ സ്വർഗത്തിൽ നിന്നുവന്ന അപ്പമാണെന്ന് പറ ഞ്ഞു. "എന്റെ മാംസം ഭക്ഷിക്കുക എന്റെ രക്തം പാനം ചെയ്യുക" എന്ന് നാല് പ്രാവിശ്യം പറഞ്ഞു.  ജോണ്‍ ആറാം അദ്ധ്യായത്തിലെ അന്ത്യ അത്താഴം യേശുവിന്റെ വചനങ്ങളിലുള്ള  വാഗ്ദാനവും . കത്തോലിക്കാ സഭയുടെ കാതലായ തത്ത്വവുമാണ്. പത്രോസിന്റെ പാറയായ സഭ  ഉയർന്നുവന്നതും വളർന്നതും  യേശുവിന്റെ വാഗ്ദാനമായ ഈ അടിത്തറയിൽ നിന്നാണ്. എന്നാൽ നവീകരണ സഭകൾ പൊങ്ങി വന്നത്  യേശുവിന്റെ  വാഗ്ദാന വചനങ്ങളിൽ നിന്നല്ല.  മറിച്ച്, സഭാ വിഭജനങ്ങളിൽനിന്നും വിഭജനങ്ങളുടെ വിഭജനങ്ങളിൽ നിന്നുമായിരുന്നു.


നോക്കൂ, യേശു പറഞ്ഞത് പിന്നീടൊരിക്കലും അവിടുന്ന് തിരുത്തിയില്ല. ആരുടേയും തെറ്റി ധാരണകൾ അകത്തുവാൻ ശ്രമിച്ചില്ല. യേശുവിനെ ശ്രദ്ധിച്ചവർ വചനങ്ങളെ പൂർണ്ണമായും മനസിലാക്കിയിരുന്നു. ആരും അദ്ദേഹം ആലങ്കാരികമായി സംസാരിക്കുന്നുവെന്ന് വിമർശിച്ചില്ല. അങ്ങനെ അവർ ചെയ്തിരുന്നുവെങ്കിൽ യേശു പറഞ്ഞത് തെറ്റായി ചിന്തിച്ചിരുന്നുവെങ്കിൽ എന്തുകൊണ്ട് ശിക്ഷ്യന്മാർ തെറ്റെന്ന് പറഞ്ഞില്ല?  യാഹോവാക്കാരും നവീകരണ സഭകളും ഇവാഞ്ചലിസ്റ്റുകളും യേശു പറഞ്ഞതിനെ വളച്ചൊടിക്കുന്നുവെന്നും അനുമാനിക്കണം.

യോഹന്നാൻ ആറാം അദ്ധ്യായത്തിൽ കാണുന്നതുപോലെ മാംസം കഴിക്കുവാനും രക്തം പാനം ചെയ്യുവാനും യേശു പഠിപ്പിച്ചെങ്കിൽ,   അത് ആലങ്കാരിക ഭാഷയല്ലെങ്കിൽ യേശു ദൈവത്തിന്റെ നിയമങ്ങളെ തെറ്റിക്കുകയല്ലേയെന്ന്  യഹോവാക്കാരും ഇവാഞ്ചലിസ്റ്റുകളും ചോദിക്കുന്നു. പഴയ നിയമത്തിലെപ്രവാചക വചനങ്ങൾ  കാലത്തിന് അനുയോജ്യമായി യേശു പലയിടങ്ങളിലും  പുനസ്ഥാപിച്ചിട്ടുള്ളതായി കാണാം.   ഉള്ളിലേക്ക് പോവുന്ന ഭക്ഷണം ശുദ്ധമെന്ന് (Mk 7:19) യേശു  പറഞ്ഞപ്പോൾ പഴയ നിയമത്തിലെ  വചനത്തെ   (Lv 11:1-8). മാറ്റി എഴുതുകയായിരുന്നു. ചില ഭക്ഷണങ്ങൾ  ശുദ്ധമല്ലെന്ന് പഴയ നിയമം പറയുന്നു. യേശു രക്തം പാനം ചെയ്യുകയെന്ന് പറഞ്ഞെങ്കിൽ പഴയ നിയമത്തിലെ ഏത് വചനത്തെ ധിക്കരിച്ചുവെന്ന് ‌ ഉത്തരം പറയുവാൻ സാധിക്കുകയില്ല. പലതും യേശു അസ്ഥിരപ്പെടുത്തി.  “അതുകൊണ്ടു ഭക്ഷണപാനങ്ങൾ സംബന്ധിച്ചോ പെരുനാൾ വാവു ശബ്ബത്ത് എന്നീകാര്യത്തിലോ ആരും നിങ്ങളെ വിധിക്കരുതു. ഇവ വരുവാനിരുന്നവയുടെ നിഴലത്രേ; ദേഹം എന്നതോ ക്രിസ്തുവിന്നുള്ളതു. "(Col 2:17, 16). ബിംബങ്ങൾക്ക് കൊടുത്ത മാംസം വർജിക്കണമെന്ന നിയമത്തിൽ പോൾ പറഞ്ഞത് വ്യത്യസ്തമായിട്ടാണ്. മറ്റുള്ളവർക്ക് ദോഷം വരുത്തുന്നില്ലെങ്കിൽ അത്തരം ഭക്ഷണവും ആകാമെന്നു പോൾ പറയുന്നു.  (Rom 14:1-14, 1 Cor 8:1-13).

പഴയ നിയമത്തിൽ രക്തം കുടിക്കരുതെന്ന് പറഞ്ഞിട്ടുണ്ട്. കാരണം എല്ലാ ജീവ ജാലങ്ങളിലും രക്തമുണ്ട്.   യഹോവാ അതുകൊണ്ട് ഇസ്രായിലികളോട് പറഞ്ഞത് ജീവനുള്ള യാതൊരു ജീവിയുടെയും രക്തം പാനം ചെയ്യരുത്.  (Lv 17:14, cf. Dt 12:23). ഇസ്രായിലികൾ ജീവനുള്ള മൃഗങ്ങളുടെ രക്തം കുടിക്കുകയില്ല.  കാരണം, രക്ത്തത്തിൽ ജീവനുമുണ്ട്. എന്നാൽ ഒരുവന്റെ ജീവൻ നിനക്കായി നിന്നുള്ളിൽ ഉണ്ട്.  യേശു ആത്മം ആയി നിന്നിൽ  തന്നെയുണ്ട്‌. "യേശു നിന്റെ ജീവിതമാണ്." (Col 3:4).നിത്യജീവനായ അവനെ നിനക്ക് ആത്മാവിന്റെ പരിപോഷണത്തിനായി ഭക്ഷിക്കാം.  

രക്തം പാനം ചെയ്യുന്നതും മാംസം ഭക്ഷിക്കുന്നതും തിന്മയെന്നുള്ള   യഹോവാക്കാരുടെ വാദം ശരിയെന്ന് വിചാരിക്കുക. എങ്കിൽ യോഹന്നാന്റെ ആറാം അദ്ധ്യായം അവർക്ക് പ്രശ്നങ്ങൾ ഉണ്ടാക്കും. അവരുടെ വചന വ്യാഖ്യാനത്തിൽ യേശു ആലങ്കാരികമായി  പറയുകയാണ്‌,  "എന്റെ മാംസം ഭക്ഷിക്കു ,  രക്തം  പാനം ചെയ്യു, പവിത്രമായ അന്ത്യഅത്താഴ വിരുന്നിൽ യേശു ആലങ്കാരികമായിട്ടാണ് അങ്ങനെ പറഞ്ഞതെങ്കിൽ അതും തിന്മയല്ലേ? അതുകൊണ്ട് യേശുവിന്റെ രക്തം പാനം ചെയ്യുന്നത് ആത്മാവിന്റെ ഉണർവിന് ആവശ്യമെന്ന സഭയുടെ  അനുമാനം കൂടുതൽ യുക്തി നല്കുന്നു.   

Part 1:'ജോസഫ് കുളിരാനിയുടെ അന്ത്യഅത്താഴ മേശ-അർ‍ത്ഥവും ദൌത്യവും'